Ætla að banna bensín- og dísilbíla

Hleðslustöð fyrir rafbíla í Peking í Kína.
Hleðslustöð fyrir rafbíla í Peking í Kína. AFP

Kínversk stjórnvöld hafa tilkynnt að þau hafi í hyggju að banna bifreiðar sem knúnar eru jarðefnaeldsneyti. Varaiðnaðarráðherra Kína, Xin Guobin, tilkynnti um þetta um helgina. Frá þessu greinir CNN. Ekki stendur þó til að banna bíla sem þegar eru í umferð.

Í Kína er stærsti markaður bifreiða í heiminum. Til stendur að banna framleiðslu og sölu á mengandi bifreiðum í Kína en flestir bílar í heiminum í dag eru knúnir dísilolíu eða bensíni. Áður hafa Indverjar, Frakkar, Bretar, Hollendingar og Norðmenn ákveðið að setja sölu á slíkum bílum skorður.

Fram kemur í frétt CNN að ekki liggi fyrir hvenær bannið tekur gildi en að í gangi sé vinna um tímaáætlun þar að lútandi.

Guobin hefur að sögn ríkisfjölmiðilsins Xinhua varað bílaframleiðendur við þeim fyrirætlunum sem framundan eru og hvatt þá til að snúa sér að framleiðslu rafbíla. Fram kemur í fréttinni, þar sem vísað er í opinbera yfirlýsingu fjármálaráðuneytisins, að stjórnvöld muni niðurgreiða kaupverð rafbíla og annarra umhverfisvænna bíla um allt að helming, til að kynda undir þróunina.

Stórir bifreiðaframleiðendur á borð við Ford og Volkswagen hafa í hyggju að setja á markað rafbíla í Kína. GM hefur þegar hafið sölu á hreinræktuðum rafbíl, Baojun 100, í Kína. Kínverskir framleiðendur eru þó skrefinu á undan og eru ráðandi á markaði rafbíla í Kína. Þó er staðan í landinu enn sú að aðeins um 1% nýrra bifreiða sem seldar eru, eru hreinir rafbílar.

Í þessu samhengi er skemmst að minnast fyrirætlana Volvo en fyrr á árinu var tilkynnt að allir bílar fyrirtækisins búnir rafmótor frá árinu 2019.

mbl.is

Frá Sýrlandi til Evrópu - Greinaflokkur

Gastro truck/veitingabíll
Til sölu ný standsettur veitingabíl með gas-grillpönnu, gas-grillofn, rafmagns p...
Til leigu snyrtilegt og bjart 120 fm
atvinnuhúsnæði vestast á Kársnesi. Leigist eingöngu fyrir lager eða þ.h. uppl...
Viltu auka innkomu þína ? Egat Nuddsteinar og pottur 39.000 kr saman. (basalt nuddsteinar ásamt steinapotti )
Viltu auka business þinn.(Hot Stones) . Hlægilegt verð :Egat Nuddsteinar (Basalt...
UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
 
Eldri borgarar
Staður og stund
Aflagrandi 40 Það er opin vinnustofa hjá...
Maat á umhverfisáhrifum
Tilkynningar
Mat á umhverfisáhrifum Athu...
Félagsstarf
Staður og stund
Aflagrandi 40 Hjá okkur er opin vinnusto...
Hádegisfundur ses
Fundir - mannfagnaðir
ses.xd.is Samtök eldri sjálfstæði...