Draga úr leit að 9 ára stúlku sem hvarf

Maelys var í brúðkaupi ásamt fjölskyldu sinni þegar hún hvarf.
Maelys var í brúðkaupi ásamt fjölskyldu sinni þegar hún hvarf. AFP

Franska lögreglan hefur ákveðið að draga úr leit að níu ára gamalli stúlku, Maelys de Araujo, sem hvarf úr brúðkaupi í bænum Pont-de-Beauvoisin, aðfararnótt 27. ágúst síðastliðinn. Maelys var í brúðkaup­inu ásamt móður sinni, sem er frænka brúðar­inn­ar, föður og eldri syst­ur, en fjöl­skyld­an býr í ná­granna­sveit­ar­fé­lag­inu Jura. AFP-fréttastofan greinir frá.

Þrátt fyrir að víðtæk leit hafi verið gerð af stúlkunni hafa engar vísbendingar fundist um hvar hana geti verið að finna. 34 ára gamall karlmaður, sem var gestur í brúðkaupinu, hefur verið ákærður fyrir að tengjast hvarfi Maelys því DNA úr henni fannst í bíl hans. Maðurinn þvertekur hins vegar fyrir að hafa komið nálægt hvarfinu og segist ekki vita hvar hún er niðurkomin. Hún hafi aðeins sest inn í bíl hans í stutta stund í brúðkaupinu, ásamt öðru barni.

Leitarhundar hafa verið notaðir við leitina að Maelys en þeir virðast tapa sporinu á bílastæðinu fyrir utan salinn þar sem brúðkaupsveislan var haldin. Lögreglan telur því miklar líkur á því að hún hafi verið numin á brott í bíl.

Þrátt fyrir að dregið verði úr skipulagðri leit að Maelys þá verður henni haldið áfram á grundvelli allra nýrra vísbendinga sem kunna að berast.

mbl.is

Frá Sýrlandi til Evrópu - Greinaflokkur

Sumarhús – Gestahús – Breytingar O?Fram
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Stofuskápur úr furu til sölu.
Skápur úr furu ,hentar vel í sumarbústaðinn 9000 þúsund kr., hæð 200 cm, breidd...
Lok á heita potta - 3
Lok á heita potta og hitaveitu- skeljar Stærðir í cm: 200x200, 210x210, 220x220,...
 
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Opin vinnustofa kl. 9 og j...
Félagsstarf
Staður og stund
Aflagrandi 40 Opin vinnustofa kl. 9 og b...
Samkoma
Félagsstarf
Samkoma kl. 20 í Kristniboðs- salnum. R...