Óvirkur spilafíkill kærir spilavíti

Óvirkur spilafíkill hefur kært áströlsku hótel-og spilavítiskeðjuna Crown.
Óvirkur spilafíkill hefur kært áströlsku hótel-og spilavítiskeðjuna Crown. AFP

Málaferli sem óvirkur spilafíkill hefur háð gegn stórri spilavítiskeðju og spilakassaframleiðendum í Ástralíu hefur markað þáttaskil í sögu dómsmála í landinu. Kæran er sú fyrsta sinnar tegundar í Ástralíu. 

Stefnandinn, Shonica Guy, segir að spilavítiskeðjan og framleiðandi spilakassanna hafi gefið henni misvísandi skilaboð um vinningslíkur hennar.

Í frétt BBC um málið kemur fram að spilakassinn sem um ræðir hefur að geyma eins konar póker samstæðuleik og ganga spilakassar af þessu tagi gjarnan undir gælunafninu „pokies“ í Ástralíu. Guy fullyrðir að spilakassarnir gefi spilurum óraunhæfar væntingar og brjóti gegn neytendalögum.

Spilavítiskeðjan, Crown, og framleiðandi spilakassanna, Aristocrat, neita öllum ásökunum. Fyrirtaka málsins fór fram í Melbourne í morgun.

Forsvarsmenn Aristocrat neita alfarið að leikir á þeirra vegum sé hannaðir til að ýta undir spilafíkn og fullyrða að allir leikir þeirra heyri undir gildandi lög og reglugerðir.  

„Hannað til að gera okkur háð“

Óhætt er að fullyrða að veðmálastarfsemi sé landlæg þráhyggja í Ástralíu. Rannsóknir bresku ráðgjafarþjónustunnar H2 Gambling Capital sýna að Ástralir tapa hlutfallslega mestum fjárhæðum á hvern íbúa í hvers kyns veðmálastarfsemi, um 1.100 dollurum árlega, eða sem nemur 120.000 krónum.

Guy segir að hún hafi tapað 14 árum af lífi sínu í spilakössunum. Hún segist ekki vera að sækjast eftir fjárhagslegum skaðabótum með því að fara í mál heldur vill hún tryggja að aðrir spilafíklar lendi ekki í sömu gryfju og hún.

„Okkur hefur verið talið trú um of lengi að við séum einu sökudólgarnir þegar kemur að spilafíkn,“ sagði Guy í samtali við fjölmiðla. Með málaferlinu vill hún sýna að spilakassarnir séu blekkjandi og hannaðir til að gera fólk háð.

Mál hennar byggir á hönnun leiksins og segja Guy og lögfræðingar hennar að leikurinn sé settur þannig upp að vinningslíkurnar séu ofmetnar.

Tim Costello, talsmaður samtaka um spilafíkn, segir í samtali við The Sydney Morning Herald að baráttu Guy megi líkja við baráttu Davíðs við Golíat. Spilakassaiðnaðurinn hafi álíka áhrif í Ástralíu líkt og samtök  skotvopnaeigenda í Bandaríkjunum.

mbl.is

Frá Sýrlandi til Evrópu - Greinaflokkur

STIGAR OG HANDRIÐ ALLAR MÖGULEGAR GERÐIR
Sjá meðal annars: http://www.youtube.com/watch?v=73dIQgOl2JQ&feature=channel L...
Trúlofunar- og giftingarhringar í úrvali
Auk gullhringa eigum við m.a. titanium og silfurpör á fínu verði. Sérsmíði, vönd...
Harðviður til húsbygginga
Lokað verður frá 12. nómember til 5. desember. Harðviður til húsabygginga Sjá ná...
NUDD- LÁTTU DEKRA VIÐ ÞIG.
HEITIR STEINAR OG OLIA- STURTA OG HANDKLÆÐI Á STAÐNUM NUDD GEFUR SLÖKUN OG...
 
Kröflulína
Tilkynningar
Mynd af auglýsingu ...
Álagning vanrækslugjalds
Nauðungarsala
Sýslumaðurinn á Vestfjörðum Auglýsin...
Félagsstarf aldraðra
Staður og stund
Aflagrandi 40 Opin vinnustofa kl. 9, gön...
Onrs- 2017- 19 ræstingaþjónusta
Tilboð - útboð
/ 14.12.2017 Útboð Orka náttúrunna...