Féllu í gíg og létust

Grunnur gígur er í eldfjallinu og stíga brennisteinsgufur og eitrað ...
Grunnur gígur er í eldfjallinu og stíga brennisteinsgufur og eitrað gas upp úr honum. Ljósmynd/Wikipedia.org

11 ára drengur lést ásamt foreldrum sínum þegar þau féllu ofan í gíg á eldfjallinu Solfatara di Pozzuoli í Napolí á Suður-Ítalíu í gær. Fjölskyldan var á ferðalagi á svæðinu.

Í frétt The Guardian kemur fram að drengurinn hafi farið inn á lokað svæði í gígnum og átti slysið sér stað eftir að hann missti meðvitund vegna gaseitrunar. Foreldrar hans reyndu að koma honum til bjargar en þá féll gígurinn saman.

„Annaðhvort varð lítil sprenging eða jörðin hefur einfaldlega gefið sig undan þunga þeirra,“ segir slökkviliðsmaðurinn Luca Cari í samtali við fjölmiðla. 

Með í för var sjö ára sonur hjónanna sem komst lífs af, en hann hafði yfirgefið svæðið í leit að aðstoð. Hana fékk hann á bar sem er í nágrenni gígsins.

„Hann horfði upp á foreldra sína og bróður detta ofan í gíginn,“ segir Armando Guerriero, eigandi barsins. „Hann vissi ekki hvort þau væru lifandi eða dáin. Hann grét og kallaði í sífellu á móður sína. Á þeim 40 árum sem ég hef unnið hér hef ég aldrei séð neitt í líkingu við þetta.“

Eldfjallið og svæðið þar í kring er rekið af einkafyrirtæki og er opið ferðamönnum allan ársins hring.

Grunnur gígur er í fjallinu sem gaus síðast árið 1198 en brennisteinsgufur og eitrað gas stíga upp úr gígnum.

mbl.is

Frá Sýrlandi til Evrópu - Greinaflokkur

Arin kubbar ódýrt
Arinkubbar til sölu, þeir loga í 2-3 tíma 20 stk. 5 þúsund kr. Uppl. 8691204....
HARMONIKKUHURÐIR SPARA MIKIÐ PLÁSS
Margar gerðir, smíðaðar eftir máli. Verð frá kr. 13.900,- Sími 848 3215 www.byg...
 
Framhald
Nauðungarsala
Uppboð Einnig birt á www.naudungarsolu...
Skipulagsmál
Tilkynningar
Rangárþing ytra Auglýsing um skipulags...
Framhald uppboðs
Nauðungarsala
Uppboð Einnig birt á www.naudungarsolu...
Aðalfundur
Fundir - mannfagnaðir
Aðalfundur Aðalfundur Vör...