Vilja landamæraeftirlit vegna hryðjuverkaógnar

Danska lögrelgan skoðar skilríki hælisleitenda sem koma með lest til ...
Danska lögrelgan skoðar skilríki hælisleitenda sem koma með lest til Danmerkur frá Flensburg í Þýskalandi. AFP

Danmörk getur ekki haldið uppi landamæraeftirliti með sama hætti og nú er eftir 12. nóvember á þessu ári, nema reglunum um Schengen-svæðið verði breytt.

Þann 1. nóvember rennur út sú undanþága sem Danmörk hefur nýtt sér varðandi eftirlit á landamærum ríkja Schengen-svæðisins. Í stað þess að opna landamærin á ný ætla dönsk stjórnvöld nú að freista þess að fá reglunum breytt í ljósi hryðjuverkaógnar, þannig að eftirlitinu megi halda úti í allt að fjögur ár að því er fram kemur á vef danska ríkisútvarpsins DR.

Dönsk stjórnvöld eru ekki ein um að vera á þessari skoðun því að stjórnvöld í Austurríki, Þýskalandi, Frakklandi og Noregi eru meðflutningsaðilar að tillögunni.

Inger Støjbjerg, innflytjendaráðherra Danmerkur, fundar í dag ásamt kollegum sínum frá þessum löndum í dóms- og innanríkismálaráðuneyti ESB í Brussel. 

Vilja að ríkin sjálf ráði 

Schengen-reglugerðin heimilar í dag að ríki taki upp landamæraeftirlit í sex mánuði. Að þeim tíma liðnum er það Evrópuráðið, ekki aðildarríkið, sem ákveður hvort heimilt sé að framlengja landamæraeftirlitið. Önnur ríki Schengen verða aukinheldur að samþykkja framlenginguna.

Stjórnvöld í Danmörku, Frakklandi, Þýskalandi, Austurríki og Noregi leggja nú til að hverju og einu Schengen-ríki verði í sjálfsvald sett hvort það viðhaldi landamæraeftirlitinu. Sé Evrópuráðið ósammála þeirri ákvörðun er það ESB að sanna að ekki sé þörf á eftirlitinu.

Núverandi landamæraeftirlit er rökstutt af flóttamannastrauminum sem verulega hefur dregið úr. Tillaga landanna fimm er hins vegar sett fram á grundvelli hryðjuverkaógnarinnar.

Ekki er þó víst að reglunum fáist breytt þó að vissulega séu þetta þungavigtarþjóðir sem þar leggist á sveif með Dönum. Önnur ríki ESB á borð við Ítalíu, Slóveníu og Ungverjaland séu tillögunni hins vegar mótfallin og eins gætir nokkurrar mótspyrnu í hennar garð í Evrópuþinginu.

mbl.is

Frá Sýrlandi til Evrópu - Greinaflokkur

Tölvuþjónusta
Alhliða tölvuviðgerð, vírushreinsun, vírusvarnir, gagnabjörgun og verðtilboð. F...
Hústjald til sölu
Danskt hústjald Trio Telt af gerðinni Haiti er til sölu. Tjaldið er yfir 30 ár...
flott sófaborð rótarspónn og innlagt
er með fallegt sófaborð flott innlagt og vel samsettur rótarspónn.á 45,000 kr ...
Vönduð vel búin kennslubifreið
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
Maat á umhverfisáhrifum
Tilkynningar
Mat á umhverfisáhrifum Athu...
Opinn fundur
Fundir - mannfagnaðir
Sjálfstæðisflokkurinn í Hafnarfi...
Eldri borgarar
Staður og stund
Aflagrandi 40 Það er opin vinnustofa hjá...
Eldri borgarar
Staður og stund
Aflagrandi 40 Hjá okkur er opin vinnusto...