Donald Trump Bandaríkjaforseti segir að ásakanir á hendur kvikmyndaframleiðandanum Harvey Weinstein um kynferðislega áreitni gagnvart konum undanfarna þrjá áratugi hafi ekki komið sér á óvart.
„Ég hef þekkt Harvey Weinstein í mjög langan tíma. Ég var alls ekki undrandi á að sjá þetta,“ sagði Trump þegar hann var spurður út í fregnirnar.
Repúblikanar hafa vakið aukna athygli á þessu hneykslismáli vegna þess að Weinstein hefur verið mikill stuðningsmaður frambjóðenda demókrata í gegnum tíðina.
Margir þingmenn úr röðum demókrata hafa heitið því að skila þeim framlögum sem Weinstein hefur gefið til góðgerðarmála.