Sýrlenskar hersveitir sem njóta stuðnings Bandaríkjahers hafa náð borginni Raqqa á sitt vald. BBC segir þar með hafa verið bundin enda á þriggja ára ógnarstjórn hryðjuverkasamtakanna Ríkis íslams í borginni, en hún var lengi eitt þeirra helsta  vígi í Sýrlandi.

BBC hefur eftir Talal Sello, talsmanni Sýrlensku lýðræðissveitanna (SDF) að átökunum sé nú lokið eftir fjögurra mánaða langt áhlaup á borgina. Nú sé unnið að því að hreinsa borgina, m.a. með leit að jarðsprengjum og kanna hvort einhverjar sellur Ríkis íslams leynist enn í Raqqa.

Talsmaður Bandaríkjahers tók varlegar til orða og sagðist bara geta staðfest að búið væri að ná yfiráðum yfir um 90% borgarinnar.

Greint var frá því fyrr í dag að hersveitirnar hefðu náð ríkisspítalanum í Raqqa á sitt vald.

Ríki íslams gerði Raqqa að höfuðstöðvum Kalífadæmis síns snemma árs 2014 og tóku þá upp öfgakennda túlkun á kenningum íslams. Liðsmenn samtakanna stóðu þar m.a. fyrir krossfestingum, aftökum og ýmsum pyntingum til að vekja ótta með þeim íbúum borgarinnar  sem voru andsnúnir samtökunum.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• Blogga um frétt