Enn eitt morðið í Kaupmannahöfn

Anne Tønnes, lögreglustjóri í Kaupmannahöfn.
Anne Tønnes, lögreglustjóri í Kaupmannahöfn. Twitter-síða lögreglunnar í Kaupmannahöfn

Ungur maður var skotinn til bana í Mjølner-garði í Kaupmannahöfn í vikunni. Talið er að  morðið tengist stríði milli glæpagengja í borginni en lögreglan í Kaupmannahöfn hélt blaðamannafund í gær vegna tíðra skotárása í borginni undanfarna mánuði.

Fram kom á fundinum að 22 ára gamall maður hafi verið skotinn til bana í garðinum á Nørrebro síðdegis í gær. Hann var ekki félagi í glæpasamtökum en 28 ára gamall maður er í haldi lögreglu í tengslum við árásina. Hann er aftur á móti félagi í glæpasamtökum. Sá sem var skotinn til bana var á ferð með félögum í glæpasamtökum þegar hann varð fyrir árásinni, samkvæmt því sem kom fram á blaðamannafundinum. 

Anne Tønnes, lögreglustjóri í Kaupmannahöfn, segir að lögreglan taki ástandið mjög alvarlega og hún segist skilja þá borgarbúa sem upplifðu sig óörugga í höfuðborginni.

Átök milli glæpagengja í Kaupmannahöfn hafa varað í á fimmta mánuð og ekkert bendir til þess að þeim sé að ljúka, segir í frétt Politiken.

Tønnes segir að þegar hafi náðst góður árangur í baráttunni við glæpagengin en yfir 60 hafa verið handteknir. Lögreglan hefur heimsótt yfir 3.300 borgarbúa og tekið vopn af heimilum þeirra þar sem þau hafa verið. Áfram verður farið í húsleitir á meðan þurfa þykir.

Í Berlingske er birt viðtal við hana í dag en viðtalið er tekið fyrir morðið í garðinum á Nørrebro. Samkvæmt Berlingske eru skotárásir tengdar glæpagengjum orðnar 44 í Kaupmannahöfn frá 12. júní. 

Frétt Politiken

Frétt Berlingske

mbl.is

Frá Sýrlandi til Evrópu - Greinaflokkur

Hleðslutæki fyrir Li-ion Ni-Mh-og fleira
Hleður og afhleður Lion, LiPo, LiFe (A123), Pb, (Lead Acid) NiCd, NiMH rafhlöður...
Rómversk messubók
Rómversk messubók, aðeins 50 eintök gefin út og þar af flest eintök í vörslu kaþ...
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...
 
Framhald
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...
Aðalfundur
Fundir - mannfagnaðir
Aðalfundur Aðalfundur Vör...