Tyrkir hafna því að ræna hafi átt Gulen

Michael Flynn, fyrrverandi þjóðaröryggisráðgjafi Donald Trumps Bandaríkjaforseta, er nú sagður ...
Michael Flynn, fyrrverandi þjóðaröryggisráðgjafi Donald Trumps Bandaríkjaforseta, er nú sagður hafa ætlað að færa Tyrkjum múslimaklerkinn Gulen gegn greiðslu. AFP

Fréttir af því að Michael Flynn, sem gegndi um tíma hlutverki þjóðaröryggisráðgjafa Donald Trumps Bandaríkjaforseta, hafi átt hlut í ráðabruggi um að flytja múslimaklerk til Tyrklands með valdi gegn milljóna dollara greiðslu eru fáránlegar. Þetta hefur BBC eftir talsmanni tyrkneska sendiráðsins í Washington, en sendiráðið segir ásakanirnar vera „fullkomlega rangar, fáránlegar og byggja ekki á neinum rökum“.

James Woolsey, fyrrverandi forstjóri CIA, greindi frá því að áætlun hafi verið uppi, gegn 15 milljón dollara greiðslu, um að flytja tyrkneska múslimaklerkinn Fetullah Gulen með valdi til Tyrklands. Gulen hefur verið í sjálfskipaðri útlegð í Bandaríkjunum um árabil en tyrknesk yfirvöld telja hann bera ábyrgð á misheppnaðri valdaránstilraun í Tyrklandi sumarið 2016.

Yrði fluttur með einkaþotu í tyrkneskt fangelsi

Í yfirlýsingu sendiráðsins segir að „tyrkneska þjóðin búist við því að Fethullah Gulen verði framseldur hið fyrsta frá Bandaríkjunum þannig að hann geti komið fyrir rétt“.

Allar ásakanir um að Tyrkland myndi grípa til ráða utan laga varðandi framsalið eru „fullkomlega rangar, fáránlegar og byggja ekki á neinum rökum,“ segir sendiráðið.

Recep Tayyip Erdogan Tyrklandsforseti hefur ítrekað farið fram á að fá Gulen framseldan til Tyrklands og er Flynn nú sakaður um að hafa fundað með tyrkneskum embættismönnum í september í fyrra til að ræða flutning Gulens.

Robert Kelner, lögfræðingur Flynn, segir ásakanirnar „svívirðilegar“.

Bandaríska dagblaðið Wall Street Journal segir Flynn hafa rætt að láta flytja Gulen með einkaþotu í tyrkneskt fangelsi á eyjunni Imrali. Segir blaðið greiðslu hafa verið boðna fyrir flutninginn. Flynn hætti sem þjóðaröryggisráðgjafi eftir að hafa leynt Hvíta húsið fundi sínum með rússneskum sendifulltrúa áður en Trump tók við embætti.

Málið er sagt hafa komið upp í rannsókn Robert Muellers, sérstaks saksóknara FBI, í rannsókn á meintum afskiptum rússneskra ráðamanna af bandarísku forsetakosningunum.

NBC fullyrðir að FBI rannsaki nú hvort Flynn hafi reynt að hvetja til þess að Gulen yrði framseldur á meðan hann gegndi starfi þjóðaröryggisráðgjafa.

mbl.is

Frá Sýrlandi til Evrópu - Greinaflokkur

Viltu vita meira um Hornstrendingana?
Þá er málið leyst. Í Hornstrandabókum okkar er uppistaðan frásagnir af Hornstren...
Rafhlöður fyrir neyðarljós allar gerðir
Með lóðeyrum, vírum eða tengjum. Smíðum allar gerðir af neyðarljósarafhlöðum . N...
HANDLISTAR Á VEGG - STÁL EÐA TRÉ
Fljót og góð þjónusta, tilsniðið og uppsett. Sími 848 3215 Svörum í símann 9 -...
Armbönd
...
 
Framhald uppboðs
Nauðungarsala
Uppboð Einnig birt á www.naudungarsolu...
Aflaheimildir
Tilkynningar
Auglýsing eftir umsóknum um afla...
Samkoma
Félagsstarf
Samkoma kl. 20 í Kristniboðs- salnum. R...
Félagsstarf
Staður og stund
Aflagrandi 40 Opin vinnustofa kl. 9 og f...