25.673 létust í hryðjuverkaárásum

AFP

Alls létust 25.673 í hryðjuverkaárásum í heiminum í fyrra. Það er fækkun annað árið í röð en alls eru dauðsföllin 22% færri í fyrra en árið 2014. Árásir eru gerðar í fleiri löndum en áður en ekki jafn mannskæðar, samkvæmt alþjóðlegu hryðjuverkavísitölunni, Global Terrorism Index (GTI).

Mun færri hafa látist í hryðjuverkum í Sýrlandi, Pakistan og Afganistan í fyrra en árið á undan. Mannskæðar árásir voru framdar í 77 löndum í fyrra og hafa löndin aldrei verið jafn mörg frá því vísitalan var fyrst sett saman fyrir 17 árum.

Fram kemur í tilkynningu að það besta við tölurnar nú sé að fórnarlömbum sé að fækka og það geti skipt sköpum í baráttunni gegn öfgasamtökum.

Jákvæðustu fregnirnar koma frá Nígeríu en þar létust 80% færri í árásum Boko Haram í fyrra en árið á undan. En vígasamtökin Ríki íslams bera ábyrgð á dauða helmingi fleiri í fyrra en árið á undan. Mest er aukningin í voðaverkum þeirra í Írak eða 40%.

Í skýrslunni er varað við útrás vígamanna Ríkis íslam sem sagðir eru líklegir til þess að færa sig um set, frá Sýrlandi og Írak til annarra ríkja. 

Í Afganistan hafa talibanar dregið úr árásum á almenning en hert þær gegn hersveitum landsins.

Í Evrópu og fleiri vestrænum ríkjum hafa ekki jafn margir látist í hryðjuverkaárásum á einu ári og í fyrra síðan 1988 ef árásirnar á Bandaríkin 11. septemer 2001 eru undanskildar. Í þessum ríkjum er ábyrgðin einkum Ríkis íslams. Vígamenn innan raða samtakanna eða fólk sem er undir áhrifum þeirra ber ábyrgð á dauða 75% þeirra sem létust í árásum í fyrra. 

mbl.is

Frá Sýrlandi til Evrópu - Greinaflokkur

NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
www.skutla.com sendibílar 867-1234
Rafknúin tröpputrilla fyrir ísskàpinn, þvottavélina, þurrkarann o.fl. Skutl, vör...
PÚSTKERFI Á HAGSTÆÐU VERÐI
Eigum fyrirlyggjandi PÚSTKERFI í flestar tegundir bifreiða. Einnig STÝRISLIÐI ...
Einstaklingsíbúð óskast
Námsmaður utan af landi, sem einnig er í vinnu, leitar að lítilli leiguíbúð frá...
 
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Félagsstarf
Staður og stund
Aflagrandi 40 Við byrjum daginn á opnu v...
Framhald
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...