Kalífadæmið komið að fótum fram

Íraskir stjórnarhermenn í Rawa.
Íraskir stjórnarhermenn í Rawa. AFP

Hersveitir Írakshers tóku í dag bæinn Rawa sem var síðasti bærinn í Írak sem var á valdi hryðjuverkasamtakanna Ríkis íslams. Á sama tíma verjast vígamenn samtakanna í síðasta bænum sem þeir hafa haft á valdi sínu í Sýrlandi, Albu Kamal. Sýrlenski stjórnarherinn hertók bæinn í október en Ríki íslams náði honum aftur á sitt vald í síðustu viku.

Fram kemur í frétt AFP að Ríki íslams hafi misst yfirráð yfir 95% þess landsvæðis sem samtökin hafi áður ráðið yfir í Írak og Sýrlandi. Þar á meðal öllum helstu bækistöðvum þeirra. Einu landsvæðin sem eru enn á valdi hryðjuverkasamtakanna eru hér og þar á dreifbýlum svæðum. Þegar mest var réðu þau landsvæði á stærð við Bretland.

Sýrlenski stjórnarherinn nýtur stuðnings rússneskra herflugvéla í átökunum um Albu Kamal og sækir að bænum frá þremur hliðum. Talið er að Ríki íslams, sem á sínum tíma lýsti yfir stofnun kalífadæmis á þeim landsvæðum sem samtökin stjórnuðu, standi mjög höllum fæti fjárhagslega og að fáir nýir liðsmenn komi til liðs við þau í Írak og Sýrlandi.

Færri nýir liðsmenn er meðal annars rakið til þess að meira hefur verið gert til þess að stöðva fólk sem hyggst ganga til liðs við Ríki íslams á landamærum. Hins vegar telja vestrænir ráðamenn að vaxandi hætta sé á að stuðningsmenn samtakanna kunni að fremja hryðjuverk á Vesturlöndum þegar kalífadæmi þeirra er komið að fótum fram.

AFP
mbl.is

Frá Sýrlandi til Evrópu - Greinaflokkur

PL Crystal Line, heitustu úrin í Paris.
Með SWAROVSKI kristals skífu, 2ja ára ábyrgð. Sama verð og í heimalandinu 16 til...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
HÚSAVIÐGERÐIR
Viðgerðir og viðhald fasteigna er okkar fag. Húsaklæðning ehf. hefur í áratugi ...
 
Land til sölu
Til leigu
Land til sölu Til sölu eða leigu 4,6 h...
Tilboð óskast skólavegi
Húsnæði í boði
TILBOÐ ÓSKAST í húseignina Skólaveg 3 ...
Félagsastarf
Staður og stund
Aflagrandi 40 Opin vinnustofa kl. 9 og s...
Onrs- 2017- 19 ræstingaþjónusta
Tilboð - útboð
/ 14.12.2017 Útboð Orka náttúrunna...