Fá klukkutíma til að yfirgefa búðirnar

Flóttamenn og hælisleitendur við flóttamannabúðirnar á Manus. Yfirvöld vilja að ...
Flóttamenn og hælisleitendur við flóttamannabúðirnar á Manus. Yfirvöld vilja að flóttamennirnir yfirgefi búðirnar, en þeir telja það ekki öruggt. AFP

Lögregla á Papúa Nýju-Gíneu hefur ráðist til atlögu gegn flóttamönnum sem enn dvelja í áströlskum flóttamannabúðum á eyjunni Manus. Er lögregla að reyna að þvinga flóttamennina og hælisleitendurnar sem þar dvelja til að yfirgefa búðirnar, en búðunum var formlega lokað um síðustu mánaðarmót eftir að hæstiréttur Papúa Nýju-Gíneu komust að því að búðirnar stæðust ekki stjórnarskrá landsins. Búðirnar hafa frá þeim tíma verið án vatns, raf­magns og eins hafa mat­ar­birgðir verið á þrot­um. 

Hundruð flóttamanna og hælisleitendur hafa hins vegar neitað að yfirgefa búðirnar og segjast óttast um eigin öryggi, en mannréttindasamtök segja hælisleitendur hafa áður orðið fyrir árásum á Papúa Nýju-Gíneu.

BBC hefur eftir einstaklingum sem dvelja í búðunum að lögregla hafi í dag gefið þeim klukkutíma frest til að yfirgefa búðirnar. Áströlsk yfirvöld segja aðgerðirnar alfarið á ábyrgð stjórnvalda Papúa Nýju-Gíneu.

Sú stefna ástralskra yfirvalda að vista þá hælisleitendur sem koma sjóleiðina til landsins í flóttamannabúðum á eyjunum Manus og Nauru, sem ekki eru áströlsk yfirráðasvæði, hefur lengi verið umdeild. Malcolm Trunbull, forsætisráðherra Ástralíu, hefur sagt að Ástralir láti ekki þrýsta á sig að taka við flóttafólkinu. „Þeim ber að hlýða lögum og yfirvöldum á Papúa Nýju-Gíneu,“ sagði Turnbull.  

BBC hefur eftir Abdul Aziz Adam, einum flóttamannanna að um 420 dveldu enn í búðunum. Hann sagði stórann hóp lögreglumanna hafa komið inn í búðirnar. „Þeir voru með stóra míkrófóna og sögðu við fólk að það „yrði að fara“. „Þeir tóku alla síma, eyðilögðu herbergin, eigur fólks og allt,“ sagði  hann.

Íranski fréttamaðurinn og flóttamaðurinn Behrouz Boochani var handtekinn í búðunum að sögn ástralskra fjölmiðla.

mbl.is

Frá Sýrlandi til Evrópu - Greinaflokkur

Í jólapakka golfarans
Lagerhreinsun - hentug viðbót í jólapakkann Síðustu eintökin af Vasapésunum á s...
Innfluttningur á enn betra verði fyrir alla
Hjálpum fólki að útvega allt frá Bretlandi á mun lægra verði sem viðkemur vinnu...
Viðhald fasteigna
Við þjónustum þig með lítil sem stór verk. Tímavinna eða tilboð. sími: 544-44...
Olíumálverk eftir Ásgrím Jónsson
Olíumálverk eftir Ásgrím Jónsson, málað í Húsafelli. Stærð ca. 70x63 cm. Uppl í ...
 
Eldri borgarar
Staður og stund
Aflagrandi 40 Opin vinnustofa kl. 9, gön...
Framhaldsuppboð
Nauðungarsala
Uppboð Einnig birt á www.naudungarsolu...
Leiðsögumaður
Ferðaþjónusta
Leiðsögumaður óskast Glacier Adventure...
Félagsstarf
Staður og stund
Aflagrandi 40 Opin vinnustofa kl. 9 og j...