Stærsta heræfing á Kóreuskaga frá upphafi
Setja bókamerki
Bandaríkin og Suður-Kórea hófu í morgun sameiginlega heræfingu, sem er sú stærsta sem ríkin hafa staðið fyrir frá upphafi. Ráðamenn í Norður-Kóreu hafa fordæmt æfinguna og segja hana hreina og klára ögrun sem geti komið af stað kjarnorkustyrjöld.
Heræfingin stendur yfir í fimm daga og hefur fengið heitið Vigilant Ace. Þar munu um 230 herþotur taka þátt, meðal annars vélar af tegundinni F-22 Raptor.
Norður-Kórea skaut í lok síðustu viku á loft sínu stærsta og öflugasta flugskeyti til þessa og segja ráðamenn þar í landi flugskeytið nægilega öflugt til að ná til Bandaríkjanna. Haldinn var neyðarfundur í öryggisráði Sameinuðu þjóðanna vegna þess þar sem Bandaríkin hvöttu þjóðir heimsins til að slíta öll tengsl við Norður-Kóreu.
Lindsey Graham, háttsettur bandarískur öldungadeildarþingmaður úr röðum repúblikana, hefur varað við því að í hvert sinn sem stjórnvöld í Norður-Kóreu geri eldflauga- eða kjarnorkutilraunir færist Bandaríkin skrefi nær því að hefja hernaðaraðgerðir gegn N-Kóreu.
„Ef það verður gerð kjarnorkutilraun neðanjarðar, þá skuluð þið búa ykkur undir mjög alvarleg viðbrögð frá Bandaríkjunum, “ sagði Graham í þættinum Face the Nation á CBS-sjónvarpsstöðinni.
Graham tekur þar með í svipaðan streng og H.R. McMaster, þjóðaröryggisráðgjafi Bandaríkjaforseta, sem sagði á laugardag að líkurnar á stríði við N-Kóreu ykjust með hverjum degi sem líður.
Frambjóðendur skila inn listum í Hörpu
/frimg/1/29/32/1293273.jpg)
Ekki af baki dottinn og ætlar að opna B5 aftur
Krefjast stöðvunar framkvæmda
Hvorki sést áður hér á landi né annars staðar
Skaut sex sinnum að feðginum á aðfangadagskvöld
Bergnuminn í Hvalfirði
Telur forsendur fyrir vaxtalækkun