Ályktun þar sem hvatt er til þess að ný rannsókn fari fram á dauða Dag Hammarskjöld, fyrrverandi framkvæmdastjóri Sameinuðu þjóðanna, hefur gengið á milli fulltrúa ríkjanna 193 sem eiga aðild að allsherjarþingi SÞ. Í skýrslu sem SÞ gaf út í haust er því haldið fram að Hammarskjöld hafi verið myrtur.
Hammarskjöld, sem var sænskur ríkisborgari, gegndi starfi framkvæmdastjóra SÞ frá 1953-1961, þegar hann lést í flugslysi í Sambíu ásamt 15 öðrum. Stuttu eftir slysið kom upp orðrómur því tengdu að vélinni hefði verið grandað.
Ef ályktunin verður samþykkt þá er ljóst að mikill þrýstingur verður á Belga, Breta, Frakka, Rússa, Suður-Afríku og Bandaríkin að upplýsa um leyniskjöl sem eru í þeirra eigu varðandi dauða hans. Samkvæmt ályktunardrögum er lagt til að sett verði á laggirnar sjálfstæð rannsókn þar sem farið verði yfir gögn málsins. Gert er ráð fyrir því að greidd verði atkvæði um ályktunina í lok árs.
Hammarskjöld var á ferðalagi um Afríku þar sem hann reyndi að sameina Kongó og stöðva útgöngu Katanga-héraðs. Vélin brotlenti skammt frá borginni Ndola, sem þá var í Norður-Ródesíu nú Sambíu.