Rýmdu hluta Schiphol-flugvallar

Hluti flugstöðvarbyggingarinnar á Schiphol-flugvelli í Amsterdam var rýmdur vegna manns sem var þar vopnaður hnífi. Völlurinn er einn sá stærsti í Evrópu.

Í frétt BBC segir að lögreglan hafi skotið og handtekið mann sem beitti eða reyndi að beita hnífi á vellinum.

Enginn er sagður hafa særst. Samkvæmt frétt BBC var hluti flugstöðvarbyggingarinnar rýmdur. Búið er að opna alla bygginguna að nýju og er hættan sögð liðin hjá.

• Blogga um frétt