Jarðskjálfti að stærð 5,2 í Íran
Setja bókamerki
Jarðskjálfti sem mældist 5,2 að stærð mældist skammt fyrir utan Tehran, höfuðborg Írans, í kvöld, um klukkan 23:30 að staðartíma.
Hundruð manna þyrptust á götur borgarinnar þar sem skjálftinn fannst vel. Ekki hefur fengist staðfest hjá yfirvöldum hvort einhvern hafi sakað í skjálftanum. Þá hefur heldur ekki verið tilkynnt um tjón á byggingum eða eignum.
Upptök skjálftans eru um 40 kílómetra vestur af höfuðborginni.
„Við viljum biðja fólk um að halda ró sinni, umferðaröngþveiti getur skapað vandamál út af fyrir sig,“ segir Mortza Redmare, fulltrúi Rauða krossins, í sjónvarpsviðtali.
Skjálftinn er hluti af hrinu sem hefur staðið yfir síðustu daga. Fyrir viku mældist skjálfti að stærð 6,2. Átján manns slösuðust í þeim skjálfta.
Jarðskjálftar eru algengir í Íran. Sá mannskæðasti á árinu varð í nóvember þegar 620 manns létu lífið í skjálfta sem mældist 7,3 að stærð.
Frétt mbl.is: Var líkt og byggingin dansaði
„Höfum ekki náð að skríða upp úr þeirri gryfju“
Hvorki sést áður hér á landi né annars staðar
Ólíkt ákall fólks á landsbyggðinni
Færri nota rafhlaupahjól eftir djammið
Skaut sex sinnum að feðginum á aðfangadagskvöld
Kaldasti veturinn kom að óvörum