Flestir taílensku drengjanna, sem bjargað var úr Tham Luang-hell­un­um í Norður-Taílandi um miðjan júlí, eru komnir til síns heima eftir að hafa varið níu dög­um í klaustri. Hefð er fyr­ir því að taí­lensk­ir karl­menn sem lenda í ógöng­um geri slíkt og tóku all­ir dreng­irn­ir tólf þátt, nema einn sem er krist­inn. Þjálfari drengjanna mun dvelja áfram í klaustrinu í þrjá mánuði.

Drengirnir fóru beint af spítalanum í klaustrið og eru því fyrst núna að snúa heim eftir fótboltaæfinguna örlagaríku hjá Villigöltunum 23. júní.  

Klaust­ur­d­völ­in var hugsuð sem and­leg hreins­un fyr­ir dreng­ina. Hluti af hreinsuninni fólst í að raka af þeim hárið að sið búdda­munka. Dvölin var einnig hugsuð sem virðingarvottur fyrir taílenska kafarann Saman Gunan sem lét lífið í björgunaraðgerðunum.

Yfirvöld í Taílandi hafa beðið fjölmiðla að veita drengjunum og fjölskyldum þeirra tilfinningalegt svigrúm þegar þeir reyna að aðlagast hversdagslífinu á nýjan leik.

Hefð er fyr­ir því að taí­lensk­ir karl­menn sem lenda í ógöng­um dvelji í klaustri. AFP

Villigeltirnir dvöldu í níu daga í klaustrinu. Lengd dval­ar­inn­ar er eng­in til­vilj­un enda er níu tal­in happa­tala í Taílandi. AFP

Tengdar fréttir

Leita drengja í helli

Bjargvættur lést úr blóðeitrun

• Hellirinn frægi opnaður ferðamönnum
• Ár liðið frá hellabjörgun
• Netflix gerir mynd um hellabjörgunina
• Taílensku drengirnir í klaustur

» Fleiri tengdar fréttir

• Blogga um frétt