Breska þingið mun greiða atkvæði um Brexit-samkomulag Theresu May forsætisráðherra 11. desember. AFP-fréttaveitan segir þingið þá annaðhvort munu samþykkja eða hafna samkomulaginu sem leiðtogar Evrópusambandsins samþykktu í gær.

„Ég horfi til 11. desember sem dagsins þegar þingið mun standa frammi fyrir ákvörðun um það hvort að það ætli sér að virða eða virða ekki vilja breskra kjósenda,“ sagði May í þinginu í dag.

May hefur staðið í ströngu í þinginu í dag og varið samkomulagið sem hún segir virða vilja kjósenda úr þjóðaratkvæðagreiðslunni 2016, auk þess sem það nái um leið að viðhalda nánum tengslum við ESB.

BBC segir May engu að síður hafa játað að hún sé ekki „fullkomlega sátt“ með þá leið sem farin er til að koma í veg fyrir að landamæragirðingum verði komið upp milli Norður-Írlands og Írlands við útgönguna.

Tengdar fréttir

Brexit

Verði auðveldara að fara til og frá Bretlandi

• Fríverslunarsamningurinn formlega genginn í gildi
• Harma hve illa Bretum hefur tekist að semja
• Fimm mál sem leiddu til fallsins
• Meiri afli vegna Brexit kalli á fjárfestingar

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Brexit, Trump og Ísland