Brett McGurk, sérfræðingur bandarískra stjórnvalda í málefnum Ríkis íslams, hefur sagt upp störfum í kjölfar ákvörðunar Donalds Trump Bandaríkjaforseta að draga allt herlið Banda­ríkj­anna frá Sýr­landi.

McGurk hugðist láta af störfum á næsta ári en ákvað að flýta því sökum ákvörðunar Trump. McGurk hefur talað fyrir því að Bandaríkin haldi áfram að vinna gegn hryðju­verka­sam­tökunum  Rík­i íslams í Sýrlandi.

„Við viljum vera til staðar og tryggja að stöðugleikanum sé viðhaldið á þessum svæðum,“ sagði McGurk fyrir fáeinum dögum.

Uppsögn McGurk kemur í kjölfar uppsagnar Jim Matt­is, varn­ar­málaráðherra Banda­ríkj­anna, sem sagði af sér embætti í fyrradag en Mattis hafði greint frá því að enn sé mikið verk óunnið í Sýr­landi.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

Donald Trump fyrrverandi Bandaríkjaforseti

Sagðist hafa þaggað niður neikvæða umfjöllun

• Segir Trump ekki sekan
• Opnunarræður fluttar í máli Trumps
• Lést eftir að hafa kveikt í sér
• Trump mætir fyrir dóm í fyrsta sakamálinu

» Fleiri tengdar fréttir

• 1 blogg um fréttina

Bloggað um fréttina

• Arnór Baldvinsson: Ríki Íslams