Meira brunnið í Ástralíu en í Amazon
Setja bókamerki
Tengdar fréttir
Amazon brennur
Fyrir fjölda íbúa Viktoríufylkis í Ástralíu er of seint að yfirgefa heimili sín. Nú er það eina sem þeir geta gert að leita skjóls vegna hættunnar sem gífurlegir gróðureldar hafa í för með sér. Murray Valley-hraðbrautinni hefur verið lokað í báðar áttir vegna eldanna og situr stór hluti íbúa því fastur. Ástralska fréttasíðan News greinir frá þessu.
Búist er við því að veðrið á morgun verði afar óhagstætt hvað eldana varðar. Veðrið mun skapa aðstæður sem gæti verið erfitt að lifa af, að sögn slökkviliðs Ástralíu.
Slökkviliðið sendi frá sér tilkynningu á samfélagsmiðlum í morgun þar sem neyðarviðvörun var gefin út fyrir ákveðin svæði og sagt „þið eruð í hættu. Það er of seint að yfirgefa svæðið.“
Mikil hætta á gróðureldum í framtíðinni
Síðan í september hafa gróðureldar í Ástralíu eytt sex milljón hektara svæði en það er rúmlega tvisvar sinnum meira en það svæði sem skógareldarnir í Amazon-regnskóginum eyðilögðu í ágúst síðatliðnum. Landsvæðið sem hefur nú þegar eyðilagst í gróðureldunum í Ástralíu er jafnframt stærra en það sem eyðilagðist í skógareldum Amazon á öllu síðasta ári.
Hundruð þúsunda hafa þurft að yfirgefa heimili sín, á annan tug eru látnir og fjölda fólks er saknað. Þurrar aðstæður og hár lofthiti hefur valdið því að eldarnir hafa náð útbreiðslu sem fáir bjuggust við. Koltvísýringurinn sem eldarnir senda frá sér út í andrúmsloftið gerir hættuna á stórum eldsvoðum í framtíðinni meiri.
Eins og áður hefur verið greint frá telja vistfræðingar við háskólann í Sydney að hátt í hálfur milljarður spendýra, fugla og skriðdýra hafi drepist í eldunum frá því í september. Þar af er talið að átta þúsund kóaladýr hafi týnt lífi. Um 30% allra kóaladýra í Nýja suður-Wales hafa drepist í eldunum.
Tengdar fréttir
Amazon brennur
Hvorki sést áður hér á landi né annars staðar
Norskur lögreglumaður dæmdur
Breytingar á skipulagi fréttadeildar RÚV
Nemendur í HÍ reistu tjaldbúðir án leyfis
Forsetinn líti yfir axlirnar á þingheimi
Skaut sex sinnum að feðginum á aðfangadagskvöld
Frambjóðendur skila inn listum í Hörpu
Vonast til að tjaldbúðir við HÍ standi áfram