Gæti varað til vors og 7,9 milljónir á spítala
Setja bókamerki
Faraldurinn af völdum kórónuveirunnar í Bretlandi gæti varað til næsta vors og alls gætu 7,9 milljónir manna þurft að fara á sjúkrahús.
Þetta kemur fram í leynilegu bréfi embættis enska landlæknisins til háttsettra aðila í heilbrigðiskerfinu.
Í bréfinu, sem Guardian greinir frá, viðurkenna heilbrigðisyfirvöld í fyrsta sinn að þau búist við því að veiran verði á sveimi næstu tólf mánuðina og geti leitt til mikilla vandamála í heilbrigðiskerfinu.
Einnig kemur fram að mögulega muni allt að 80% Breta smitast af kórónuveirunni.
Chris Whitty, heilbrigðisráðgjafi ríkisstjórnarinnar, hefur áður lýst þeirri tölu sem versta mögulega tilfellinu og telur hann að hún verði ekki jafnhá. Engu að síður kemur fram í bréfinu að „búist er við“ að fjórir af hverjum fimm Bretum fái veiruna.
„Búist er við að allt að 80% af þjóðinni smitist af COVID-19 á næstu 12 mánuðum og allt að 15% (7,9 milljónir) gætu þurft að fara á sjúkrahús.“
Mikill útflutningur frá Vestfjörðum
Vangaveltur gengu lengra en innistæða var fyrir
Óvenjuleg tilkynning: 19 í gæsluvarðhaldi
Óánægja er með áform um efnistöku
Birtu ekki dóm yfir fyrrverandi forseta bæjarstjórnar
Maðurinn sem leitað var að fannst látinn