Flugskeytum skotið að flugvellinum í Kabúl
Setja bókamerki
Flugskeytum var skotið á flugvöllinn í Kabúl í morgun, á sama tíma og bandarískir hermenn kepptust við að ljúka brottflutningi sínum og bandamanna frá Afganistan. Öfgahópurinn Ríki íslams, andstæðingar talíbana, er talinn helsta ógn Bandaríkjamanna sem stendur.
Í meðfylgjandi myndskeiði má sjá hvar talíbanar stóðu vörð í Kabúl í gær. Þeir vinna nú að því að mynda einhvers konar ríkisstjórn.
Joe Biden Bandaríkjaforseti hefur sett frest til þriðjudags til að draga allar bandarískar hersveitir frá Afganistan. Því styttist í að lengstu hernaðarátökum í sögu Bandaríkjanna ljúki.
Talíbanar tóku völdin í Afganistan fyrir um tveimur vikum. Síðan þá hefur fólk keppst við að komast úr landi. Bandaríkin hafa flutt fleiri en 120.000 manns frá alþjóðaflugvellinum í Kabúl.
Útlit er fyrir að um 1.000 bandarískir hermenn yfirgefi landið á morgun.
Verulegar líkur á frekari árásum
Ríki íslams stóð fyrir sjálfsmorðssprengjuárás í síðustu viku en þá féllu 100 manns, þeirra á meðal 13 bandarískir hermenn. Biden hefur varað við því að miklar líkur séu á frekari árásum.
Helsta sóknarfærið í elstu hópunum
„Of algengt að við séum að fara í svona útköll“
Vægast sagt ósanngjarnt að tala um ekkert samráð
Töluverður reykur og vatn inni í Kringlunni
3.300 MW í vinnslu fyrir vindorkuna
Mikið tjón í Kringlunni
Allur tiltækur mannskapur sinnir slökkvistarfinu