Tveir karlmenn sem voru fundnir sekir um að brenna Kóraninn, helgirit múslima, og móðga Múhameð spámann voru teknir af lífi í Íran í morgun.

Þeir Sadrollah Fazeli Zare og Yussef Mehrdad voru hengdir.

Annar þeirra var sagður hafa fyrir tveimur árum viðurkennt fyrir dómstólum að hafa framið þessi afbrot, sagði á fréttasíðunni Mizan Online.

Mennirnir voru einnig sakaðir um að hafa hvatt fólk á samfélagsmiðlum til að trúa ekki á guð.

Írönsk yfirvöld taka fleiri af lífi á hverju ári en nokkur önnur þjóð, ef Kína er undanskilið, að sögn samtakanna Amnesty International.

75 fleiri voru hengdir í Íran í fyrra en árið á undan, að sögn tveggja annarra mannréttindasamtaka. Að minnsta kosti 582 voru teknir af lífi í Íran í fyrra, sem er það mesta síðan 2015, sögðu samtökin Iran Human Rights og Together Against the Death Penalty í sameiginlegri skýrslu.

Tengdar fréttir

Dauðarefsingar

Tekinn af lífi fyrir tvö morð

• Alabama hefur aftur gjöf banvænna sprauta
• Malasía bannar lögboðna dauðarefsingu
• Mál manns sem var hálfa öld á dauðadeild endurupptekið
• Fangar á dauðadeild mótmæla hengingum

» Fleiri tengdar fréttir

• Blogga um frétt