Fæddi barn á flótta til Lampedusa

Kona á flótta frá Norður-Afríku er talin hafa fætt barn í bát á leiðinni til ítölsku eyjunnar Lampedusa. Hið nýfædda barn fannst látið, að því er ítalskir miðlar greindu frá í dag.

Yfir átta þúsund flóttamenn frá Norður-Afríku hafa komið sjóleiðina til Lampedusa síðan á sunnudaginn. Ítalska blaðið Corriere Del Mezzogiorno greindi frá því að móðirinn hafi fengið hjálp frá samferðafólki sínu eftir að hún hóf að fá hríðir.

Barnið var jarðsett í kirkjugarði í Imbriacola-héraði í Lampedusa. 

Vill varnir á hafi úti

Fyrr í vikunni fannst fimm mánaða barn látið eftir björgunaraðgerð á Lampedusa, sem hafði verið um borð í flóttamannabáti í Norður-Afríku.

Forsætisráðherra Ítalíu, Giorgia Meloni, segir landið glíma við umfangsmikla flóttamannabylgju. Hún talar fyrir því að Evrópusambandið setji upp varnir á hafi úti til þess að sporna við vandanum.

Frétt BBC

• 1 blogg um fréttina

Bloggað um fréttina

• Grímur Kjartansson: Ursula von der Leyen verður á Lampedusa á morgun