Mótfallin reynslulausn Pistorius
Setja bókamerki
Móðir Reeva Steenkamp, sem Oscar Pistorius myrti fyrir áratug síðan, segir að þessi fyrrverandi ólympíumeistari fatlaðra í spretthlaupi eigi ekki skilið að fá reynslulausn úr fangelsi.
Áratugur er liðinn síðan Pistorius skaut kærustu sína til bana. Hann hefur óskað eftir reynslulausn í annað sinn á innan við átta mánuðum.
Horfist ekki í augu við sannleikann
„Betrun felur í sér að einhver þarf að koma fram af heiðarleika, þar sem allur sannleikur glæps hans er lagður á borðið sem og afleiðingarnar. Enginn getur sagst sýna iðrun ef hann getur ekki horfst af fullu í augu við sannleikann,” sagði June Steenkamp í yfirlýsingu sem hún sendi nefndinni sem fer yfir ósk Pistorius um reynslulausn.
Pistorius, sem er 37 ára, hlaut ekki reynslulausn í mars síðastliðnum þegar hann óskað eftir því. Að mati nefndarinnar hafði hann ekki lokið við lágmarksafplánun til að eiga þess kost að verða hleypt út. Dómstóll úrskurðaði í síðasta mánuði að það hefðu verið mistök og þess vegna ákvað Pistorius að sækja aftur um reynslulausn.
Pistorius drap kærustu sína, fyrirsætuna Reeva Steenkamp, snemma á Valentínusardag árið 2013 eftir að hafa hleypt fimm skotum af í gegnum baðherbergishurð á heimili sínu.
Virknin færist í aukana innan 48 tíma
Fjallabak, Sprengisandur og niður í Eyjafjörð
Bregðast við vopnahléstillögu á morgun
Mál hjúkrunarfræðingsins fer aftur fyrir héraðsdóm
Færri nota rafhlaupahjól eftir djammið
Sennilega gróðureldur, ekki ný sprunga
Ók á ofsahraða á móti umferð og uppi á stétt
Norskur lögreglumaður dæmdur