Starfsmenn SÞ grunaðir um aðild að árás Hamas
Setja bókamerki
Stofnun á vegum Sameinuðu þjóðanna sem aðstoðar palestínska flóttamenn hefur vikið nokkrum starfsmönnum úr starfi vegna tenginga við Hamas.
Eru þeir grunaðir um að hafa átt þátt í skipulagningu eða framkvæmd árásar Hamas á Ísrael hinn 7. október.
Philippe Lazzarini fer fyrir stofnuninni, UNRWA, og segir ákvörðunina hafa verið tekna svo hægt verði að sjá til þess að nefndin geti veitt þá mannúðaraðstoð sem henni er ætlað.
„Þeir starfsmenn sem hafa tekið þátt í hryðjuverkaárásum með einhverju hætti verða dregnir til ábyrgðar og kærðir,“ hefur fréttastofa AFP eftir Lazzarini.
Fram kom hjá honum að stjórnvöld í Ísrael hefðu sýnt fram á aðkomu starfsfólksins að árásinni með gögnum.
Fjárveitingar Bandaríkjanna frystar
Antonio Guterres aðalritari SÞ segist hugsa til þess með hryllingi ef ásakanirnar eigi við rök að styðjast og hefur fyrirskipað rannsókn á starfsemi nefndarinnar.
Utanríkisráðuneyti Bandaríkjanna hefur fryst fjárveitingar til nefndarinnar á meðan málið er til rannsóknar en Bandaríkin hafa lagt mest fjármagn til mannúðarstarfs nefndarinnar.
Um 1.140 manns frá ýmsum þjóðernum létust í árás Hamas þann 7. október. Flestir óbreyttir borgarar.
Rothissa á vinnubrögðum forystu BÍ
Færri nota rafhlaupahjól eftir djammið
Þetta eru hjólaframkvæmdirnar sem unnið er að
Virknin færist í aukana innan 48 tíma
Laugavegur hjólaferðamannsins að fæðast
Tveggja mánaða flandur um Nýja-Sjáland
Breytingar á skipulagi fréttadeildar RÚV
Fjöldi brota ríflega sexfaldaðist