Margir særðir eftir hnífstungur
Setja bókamerki
Fernt er í haldi lögreglu í bænum Södertälje, um 30 kílómetra suðvestur af sænsku höfuðborginni Stokkhólmi, grunað um tilraun til mannsdráps eftir atvik sem upp kom í Hovsjö-hverfinu þar í bænum á ellefta tímanum í gærkvöldi að sænskum tíma.
Barst lögreglu tilkynning um átök og er hún kom á vettvang varð ljóst að hnífum hafði verið beitt. Voru nokkrir fluttir á sjúkrahús til aðhlynningar en að sögn Pontus Sandulf, vakthafandi lögregluvarðstjóra, var fólkið „með meðvitund og viðræðuhæft“ þegar það var flutt af vettvangi.
Erfitt að meta fjöldann
Voru fjórmenningarnir, tveir karlmenn og tvær konur, handteknir um miðnæturbil í bifreið á E20-brautinni í námunda við Eskilstuna en lögregla getur enn sem komið er ekki svarað því hve margir tókust á í Södertälje.
„Þar sem einhverjir höfðu farið af vettvangi þegar við komum þangað er mjög erfitt að áætla það,“ segir Sandulf varðstjóri við sænska ríkisútvarpið SVT.
Eitt barn gæti opnað skólann á ný
„Við lærum af hvert öðru“
Engin leið að bera á túnin
Leiðin til að drepa atvinnurekstur
Loftmengun einskorðast við Reykjanes
„Ekki millimetri út fyrir“
„Þeir einu sem eru ánægðir með súld“