Brúin Francis Scott Key í bandarísku borginni Baltimore hrundi eftir að skip rakst á hana.
Samgönguyfirvöld í ríkinu Maryland greindu frá þessu. Hvöttu þau ökumenn til að forðast leiðina yfir ána Patapsco vegna óhappsins.
Talsmaður lögreglunnar í Baltimore sagði að fólk gæti mögulega verið í ánni.
BREAKING: Footage shows the moment a major bridge collapsed in the US city of Baltimore after it was hit by a cargo ship.
— Sky News (@SkyNews) March 26, 2024
Full story: https://t.co/DZlFHY2Sdn
📺 Sky 501, Virgin 602, Freeview 233 and YouTube pic.twitter.com/PiLGxXqdjY
„Ég get staðfest að klukkan 1.35 [5.35 að íslenskum tíma] fékk lögreglan í Baltimore tilkynningu um að brú hefði hrunið að hluta til og að verkamenn væru mögulega í vatninu við brúna Francis Scott Key,” sagði rannsóknarlögreglumaðurinn Niki Fennoy í yfirlýsingu.
Á síðunni MarineTraffic sást flutningaskip með fána frá Singapúr sem nefnist Dali stöðvast undir brúnni í nótt.
Uppfært kl. 8.45:
Fyrirtækið Synergi Marine Group hefur staðfest að flutningaskip þess frá Singapúr, Dali, hafi rekist á stoðir brúarinnar, að sögn BBC. Ekki er ljóst nákvæmlega hvers vegna slysið varð.
Engra úr áhöfninni er saknað og engar fregnir hafa borist af meiðslum, að því er sagði í yfirlýsingu fyrirtækisins.
Slökkviliðsstjórinn í Baltimore sagði að allt að 20 verkamenn hefðu fallið ofan í ána eftir áreksturinn.