Joe Biden, forseti Bandaríkjanna, mun síðar í kvöld ræða við Benja­mín Net­anja­hú, for­sæt­is­ráðherra Ísra­els, í síma. Frá þessu greina bandarískir miðlar og hafa eftir embættismönnum í Hvíta húsinu.

Kemur símtalið í kjölfar þess að Íran sendi á loft um 200 dróna eða eldflaugar í átt að Ísrael fyrr í kvöld. Meirihluti þeirra var hins vegar skotinn niður af Ísraelsher, Bandaríkjaher eða flugher Jórdaníu. Einhverjar sprengjur lentu þó innan landamæra Ísraels og sagði talsmaður ísraelska hersins að minniháttar skemmdir hefðu orðið eftir árásina.

Biden ræddi við öryggisráð sitt fyrr í kvöld, en þeim fundi er lokið, eftir um tveggja klukkustunda fundarhöld.

Öryggisráðið mun áfram vinna með bandamönnum Bandaríkjanna á svæðinu til að koma í veg fyrir frekari stigmögnun átaka.

Tengdar fréttir

Ísrael/Palestína

Vonir bundnar við frið á Gasa

• Bjóða Hamas 40 daga vopnahlé
• Jákvæðir í garð tillagna Ísraelsmanna um vopnahlé
• Blinken fer til Ísraels og Jórdaníu
• Bregðast við vopnahléstillögu á morgun

» Fleiri tengdar fréttir

Íran gerir árás á Ísrael

Líkti drónunum við barnaleikföng

• Upplýstu stjórnvöld í Bandaríkjunum
• Íranskir miðlar þvertaka fyrir árás á landið
• Ísraelar hefna árásarinnar
• Sprengingar heyrast í Íran

» Fleiri tengdar fréttir

• Blogga um frétt