Matvælaverð í heiminum hækkar enn

Heimsmarkaðsverð á matvælum hækkaði enn í febrúar og hefur aldrei mælst hærra. Matvælastofnun Sameinuðu þjóðanna (FAO) segir að þetta sé áttundi mánuðurinn í röð sem matvælaverð hækkar.

Verð á kornvörum, mjólkurafurðum og sykur hefur hækkað mest. Þessar miklu hækkanir koma afar illa við fátækt fólk í heiminum. Þessi þróun leiðir einnig til þess að það fjölgar í hópi þeirra sem lifa undir fátæktarmörkum. Sum lönd hafa brugðist við hærra matarverði með því að auka niðurgreiðslur á matvælum, en það leiðir aftur til þess að halli á ríkissjóði eykst.

• Blogga um frétt