Kristinn H. Gunnarsson segist ekki hafa ákveðið hvort hann taki þriðja sætið á lista Framsóknarflokksins í norðvesturkjördæmi. Kristinn segir það vissulega vonbrigði fyrir sig að hafa ekki náð settu marki.
„En ég glímdi auðvitað við það að margir af þeim sem eru mér sammála í flokknum eru farnir og vildu ekki kjósa,“ segir Kristinn meðal annars í viðtali við sunnudagsblað Morgunblaðsins.
Hann fullyrðir þar ennfremur að aðrir frambjóðendur hafi myndað bandalag gegn sér.
Magnús Stefánsson félagsmálaráðherra sigraði í prófkjörinu, og Herdís Sæmundardóttir varð í öðru sæti.