Hof mun menningarhús sem nú rís á Akureyri heita. Alls bárust 338 tillögur um 241 nafn á húsið. Tveir skiluðu inn tillögu að vinningsnafninu: Aðalbjörg Sigmarsdóttir og Heimir Kristinsson en þau búa bæði á Akureyri.
Dómnefnd sem skipuð var Braga V. Bergmann, ráðgjafa, Margréti Jónsdóttur, leirlistakonu og Sverri Páli Erlendssyni menntaskólakennara komst að einróma niðurstöðu um að húsið skyldi hljóta nafnið Hof. Stjórn Akureyrarstofu hefur samþykkt tillöguna, að því er segir í tilkynningu.