Þjófar á ferð á höfuðborgarsvæðinu

Þrjú innbrot voru tilkynnt til lögreglunnar á höfuðborgarsvæðinu í gær. Fartölva var tekin úr húsi í Vogahverfinu, sumardekkjum var stolið úr geymslu í Kópavogi og skjávarpi hvarf úr einum af grunnskólum borgarinnar.

Tveir þjófar voru gripnir í matvöruverslunum, annar í Hafnarfirði en hinn í Reykjavík. Veski var stolið frá gesti í líkamsræktarstöð í borginni og á öðrum stað var iPod-spilari tekinn ófrjálsri hendi í íþróttamiðstöð.

Iðnaðarmenn í Breiðholti söknuðu verkfæra en þau hurfu á meðan mennirnir fengu sér kaffisopa.

Í vesturbæ Reykjavíkur hrifsaði piltur um tvítugt fartölvu úr fórum sautján ára stúlku. Þá stálu tveir piltar söfnunarbauki frá bensínstöð en í honum voru peningar sem áttu að renna til styrktar bágstöddum börnum. Góðar líkur eru á því að síðasttöldu þjófarnir náist mjög fljótlega.

• 3 blogg um fréttina

Bloggað um fréttina

• Jón Sigurgeirsson : Nú voru framin innbrot í Reykjavík?
• Sverrir Þorleifsson: Aukum öryggi
• Heimir Lárusson Fjeldsted: Auknar gripdeildir?