Tvær 17 ára stúlkur földu um 40 gr. af fíkniefnum innvortis

Lögreglan í Borgarnesi lagði í nótt hald á um 45 grömm af fíkniefnum, mestmegnis kókaín, sem tvær 17 ára stúlkur höfðu falið innvortis í smokkum. Að sögn lögreglu voru stúlkurnar stöðvaðar um eittleytið í nótt við venjubundið eftirlit þar sem þær óku í norðurátt. Með þeim í för var karlmaður sem er um 10 árum eldri en þær.

Fólkið var flutt á lögreglustöðina í bænum þar sem grunur lék á að ökumaðurinn, þ.e. önnur stúlkan, væri undir áhrifum vímuefna. Í ljós kom að svo var.

Við læknisrannsókn kom jafnframt í ljós að stúlkurnar höfðu falið fíkniefnin í leggöngum.

Stúlkurnar og maðurinn voru yfirheyrð fram eftir nóttu en sleppt undir morgun. Málið telst upplýst.

Lögreglan gerði foreldrum stúlknanna viðvart sem og barnaverndaryfirvöldum þar sem þær eru undir lögaldri.

• 5 blogg um fréttina

Bloggað um fréttina

• Jóhannes Ragnarsson: Hve glöð er vor kókaínæska.
• Georg Eiður Arnarson: Þetta er alveg skelfileg þróun
• Pálmi Freyr Óskarsson: Fíkniefnadraugurinn er því miður eilífur........
• Guðsteinn Haukur Barkarson: Skelfilegt og stórhættulegt !
• Benedikt Halldórsson: Lögreglumál: Það á að segja "lögreglan í Borgarnesi". Fyrsti hluti.