Ingibjörg Sólrún vill heimsækja Miðausturlönd
Setja bókamerki
Ingibjörg Sólrún Gísladóttir, utanríkisráðherra, sagði í umræðum á Alþingi í dag að mikilvægt væri að íslensk stjórnvöld kæmu á eðlilegum samskiptum við þjóðstjórn Palestínumanna. Hún sagði jafnframt að hún hygðist eiga samstarf við Jonas Gahr Støre, utanríkisráðherra Noregs, um það hvernig Íslendingar gætu komið að málefnum svæðisins.
„Ég vil líka að það komi fram hér að ég stefni á að heimsækja svæðið til að athuga hvernig við getum beitt okkur betur þar. Við viljum leggja okkar lóð á vogarskálarnar fyrir betra ástandi á þessum slóðum og í þágu friðar og mannréttinda á þessu svæði.“
Tilefni umræðnanna var tillaga þingflokks Vinstrihreyfingarinnar - græns framboðs um að ríkisstjórninni yrði falið að viðurkenna þjóðstjórn Palestínumanna og taka upp við hana eðlileg samskipti.
740 milljón króna sígarettusmygl
Björninn sagður nálægt byggð
Glæpastarfsemi orðin mun skipulagðari
„Hví erum við dýrasta land í heimi?“
Rannsóknin skýrist með hverjum degi
Vangaveltur gengu lengra en innistæða var fyrir
Búið að fella björninn