Segjast ekki hafa treyst sér lengur til að bera ábyrgð á Árna

Þjóðhátíðarnefnd í Vestmannaeyjum hefur sent frá sér harðorða yfirlýsingu vegna ummæla, sem Árni Johnsen, alþingismaður, lét falla í viðtali við Þjóðhátíðarblað Vestmannaeyja 2007 um ástæður þess að honum var vikið frá sem kynnir á þjóðhátíð í Eyjum.

Í viðtalinu segir Árni m.a. að sér hefði verið hent fyrir borð sem kynni á þjóðhátíð og gefur til kynna að pólitík hafi spilað þar inn í. Þá hafi verið ágreiningur um málið innan þjóðhátíðarnefndarinnar.

Þessu vísar þjóðhátíðarnefnd á bug og segir að ástæðan sé sú að Árni hafi misst stjórn á sér á þjóðhátíð árið 2005 og slegið Hreim Heimisson, söngvara á sviðinu. Hafi þjóðhátíðarnefndin ekki lengur treyst sér til að bera ábyrgð á Árna Johnsen sem kynni á Brekkusviðinu.

Eyjar.net

• 6 blogg um fréttina

Bloggað um fréttina

• Gúrúinn: Háttvirtur alþingismaður sunnlendinga ennþá stjórnlaus
• Ólafur Þór Guðjónsson: "Þjóðhátíðarnefnd kýs að skoða þau sem tæknileg mistök".
• Pálmi Freyr Óskarsson: Hvernig væri að Árni færi.........
• Daði Einarsson: Samt vildu þeir hann á þing
• Jenný Anna Baldursdóttir: EKKI TRAUSTSINS VERÐUR?
• Púkinn: Að treysta mönnum....eða ekki