Fyrirtækið Hibernia Atlantic, sem rekur sæstrengi milli Norður-Ameríku og Evrópu, hefur boðað lagningu nýs ljósleiðarastrengs, sem tengir Ísland við neðanjarðarstrengjanet fyrirtækisins. Segir Hibernia í tilkynningu, að Ísland fái með þessum hætti beina tengingu við Norður-Ameríku, Írland, London, Amsterdam og meginland Evrópu.
Í tilkynningunni segir, að nýi strengurinn leyfi umferð í báðar áttir og veiti beinan aðgang að 42 borgum. Hægt sé að veita umferð framhjá stórum þéttbýlissvæðum.
Gert er ráð fyrir að tengingin verði orðin virk haustið 2008.