Innlent | 24 stundir | 25.8.2007 | 6:36

Flestir vilja vera í skólabúningi

Krakkar í Áslandsskóla mbl.is/Þorkell

Eftir Ingibjörgu B. Sveinsdóttur - ingibjorg@bladid.net

Áhugi foreldra barna í Sæmundarskóla í Grafarholti á skólabúningum var miklu meiri en foreldrafélagið gerði ráð fyrir. Við skólasetningu nú í vikunni keyptu foreldrar 85 prósenta barnanna skólabúninga sem foreldrafélagið og foreldraráðið buðu upp á í samráði við skólastjórnendur.

Björn Ingi Hrafnsson, formaður borgarráðs, segir þetta ekki koma sér á óvart. „Þar sem þetta hefur verið reynt hefur ríkt mikil ánægja. Skólabúningar auka samheldni og hafa að margra mati komið í veg fyrir einelti út af efnamun eða einhverju slíku. Frumkvæðið hefur hins vegar alltaf komið frá foreldrum eða skólastjórnendum."

Björn, sem í mörg ár hefur barist fyrir því að skólabúningar verði teknir upp, segir meirihluta borgarstjórnar leggja áherslu á að þeir sem vilja taka upp skólabúninga verði aðstoðaðir með einhverjum hætti. „Það er í höndum menntaráðs að útfæra það," segir hann.

Í Áslandsskóla í Hafnarfirði hafa 98 prósent yngri nemendanna gengið í sérstökum skólafatnaði frá árinu 2003. Skólastjórinn, Leifur Garðarsson, kveðst mjög ánægður með fyrirkomulagið.

Nánar í Blaðinu