Vildi fá far með lögreglunni til Reykjavíkur

Ölvaður maður brást ókvæða við þegar lögreglan á Selfossi neitaði að aka honum til Reykjavíkur í nótt. Eftir að maðurinn hafði kallað lögreglumennina öllum illum nöfnum falla æddi hann út á Suðurlandsveg í svartamyrkri og mátti litlu muna að hann yrði ekinn niður. Maðurinn var því handtekinn og gistir hann nú fangageymslur.

Að sögn lögreglunnar á Selfossi voru lögreglumenn að ræða við ökumann sem þeir höfðu stöðvað í nótt þegar maðurinn kom að þeim og óskaði eftir fari til Reykjavíkur.

Fyrr um kvöldið hafði lögreglan einnig þurft að hafa afskipti af manninum, en kvartað var undan hegðun hans á veitingastað um kl. 21 í gærkvöldi. Þar hafði maðurinn verið með óspektir. Lögreglan var kvödd á staðinn og ók manninum á heimili sitt sem er á Selfossi. Þar lofaði hann að hann myndi verða til friðs.

Sem fyrr segir hitti lögreglan manninn á nýjan leik á Suðurlandsvegi skammt frá Hveragerði um kl. 1:30 í nótt, og hafði maðurinn þá ákveðið að ganga í áttina til Reykjavíkur.

• 7 blogg um fréttina

Bloggað um fréttina

• Gísli Foster Hjartarson: Heimþrá!
• Stefán Friðrik Stefánsson: Á löggan að vera leigubílastöð ölvaðra?
• Guðjón Sigþór Jensson: Gúrkufrétt?
• Jóhannes Ragnarsson: Verður borgarstyrjöld í Árnessýslu, eða mun ráðherra taka í taumana?
• Kristín M. Jóhannsdóttir: Að fá far hjá löggunni
• Hrönn Sigurðardóttir: Okkur er margt til lista lagt í sveitinni....
• Ari Guðmar Hallgrímsson: Þar lofaði hann að hann myndi verða til "friðar."