Svifryk yfir mörkum um síðustu helgi
Setja bókamerki
Svifryk fór yfir heilsuverndarmörk bæði á laugardag og sunnudag, samkvæmt upplýsingum frá umhverfissviði Reykjavíkurborgar. Svifryk hefur því farið 14 sinnum yfir mörkin á árinu. Svifryk hefur farið fjórum sinnum yfir heilsuverndarmörk í Ártúnsbrekku síðan um miðjan október. Síðdegis í dag hefur svifryk farið yfir viðmiðunarmörk.
Umhverfissvið mælir svifryksmengun við Grensásveg þar sem vænta má mestrar mengunar í borginni og í Fjölskyldu- og húsdýragarðinum til samanburðar. Laugardaginn 17. október reyndist svifryk við Grensásveginn vera 91 míkrógrömm á rúmmetra og sunnudaginn 52,4 en viðmiðunarmörk svifryks eru 50 míkrógrömm á rúmmetra á sólarhring. Hins vegar fór styrkur svifryks ekki yfir heilsuverndarmörk í Fjölskyldu- og húsdýragarðinum.
Svifryk hefur farið 14 sinnum yfir heilsuverndarmörk í borginni á árinu en samkvæmt reglugerð má það fara 23 sinnum yfir. Veðrið hefur áhrif því kuldi, auðar götur og lítill raki eru kjöraðstæður fyrir svifryk. Ef úrkomusamt er í veðri mælist svifryk síður. Lítil úrkoma mældist um liðna helgi, á laugardag var töluverður vindur, kuldi og lítill raki og á sunnudag hægur vindur, kuldi og lítill raki.
Reykvíkingar geta fylgst með svifryksmælingum með því að skoða vefmæli á heimasíðu Umhverfissviðs. Núna síðdegis hefur svifryksmengun verið yfir mörkun en undir meðaltali frá miðnætti.
Búið að fella björninn
Eðlileg viðbrögð að fella tár
Glæpastarfsemi orðin mun skipulagðari
Of margir nemendur og ákall um hæft starfsfólk
Hætta vegna jarðfalls í sprungur metin töluverð
Maðurinn sem leitað var að fannst látinn
Vangaveltur gengu lengra en innistæða var fyrir
Gerðu umfangsmiklar loftárásir á Líbanon