Árni: Gerist ekkert á næstunni

„Það eru auðvitað fjölmörg sjónarmið sem eru þarna uppi og þarf að samræma í þessu og sjónarmið þeirra sem gera út flutningabíla er eitt af því sem er með inni í myndinni," sagði Árni Mathiesen fjármálaráðherra eftir að hafa fundað með talsmönnum atvinnubílstjóra.

Árni sagði að niðurstöður nefnda sem skili af sér nú í vor yrðu notaðar til stefnumótunar fyrir ríkisstjórnina. Hann sagði að niðurstaða þeirrar vinnu yrði ekki að veruleika fyrr en á næsta haustþingi.

„Þetta er stórt verkefni og það þarf að vanda til verksins," sagði Árni.

„Þetta er ágætur tímapunktur fyrir þessa aðila til að koma sínum sjónarmiðum á framfæri þó að auðvitað megi deila um hvernig það er gert," sagði Árni. 

Um fund sinn með bílstjórunum sagði Árni: „Ég sagði þeim alveg klárt að þeir ættu ekki að bíða eftir loforðum frá mér um einhverja niðurstöðu í þessu. Það eru vikur, jafnvel mánuðir í að það komi niðurstaða í þessi mál og að þeir ættu ekki að gera ráð fyrir því að það verði komin ný löggjöf um þetta fyrr en eftir haustþingið," sagði Árni Mathiesen að lokum.

• 6 blogg um fréttina

Bloggað um fréttina

• Haraldur Bjarnason: Mathiesen og Möllerinn hógværari en Haarde
• Hermann Einarsson: BIÐ stjórnin
• Gestur Guðjónsson: Réttmætt til skamms tíma ekki langs
• Axel Jóhann Hallgrímsson: Jón eða séra Davíð?
• Markús frá Djúpalæk: Nýtt nafn á ríkisstjórnina
• Vefritid: Er bíllinn fyrsta flokks borgari?