Eldur lagður að íbúðarhúsi

Eldur var lagður að tveimur blaðabunkum við innganga í sambýlishús að Hraunbæ 4-6 í Árbænum í Reykjavík í nótt. Eldurinn náði að læsa sig í tréþil og þaðan fór hann innundir útidyrnar og logaði eldur í teppi í stigagangi er lögreglu og slökkvilið bar að garði um klukkan 5 í nótt.

Varðstjóri lögreglunnar á höfuðborgarsvæðinu sagði að málið væri litið mjög alvarlegum augum og væri í rannsókn. Sót og reyk lagði um stigaganginn og inn í íbúðir.

Lögreglan segir að betur hafi farið en á horfðist en töluvert tjón hafi skapast af íkveikjunni. Málið er í rannsókn. 

Slökkvilið höfuðborgarsvæðisins slökkti eldinn á skömmum tíma og voru íbúarnir beðnir að halda sig innandyra á meðan stigagangurinn var reykræstur. 

Eldur var lagður að blaðabunkum og læstist hann í gólfteppi fyrir innan dyrnar. mbl.is/Árni Sæberg

Íbúar voru beðnir að halda sig innandyra á meðan stigahúsið var reykræst. mbl.is/Jim Smart

• 5 blogg um fréttina

Bloggað um fréttina

• Snorri Bergz: Fávitar
• Jac Norðquist: Spáið í....
• Jóhannes Ragnarsson: Þar hafa skátar verið að verki
• Stefán Friðrik Stefánsson: Kveikt í fjölbýlishúsi - þvílík mannvonska
• Reynir Andri: Afhverju???