Lög um fæðingarorlof auka tilfinningatengsl feðra og barna

„Lög númer 95 frá árinu 2000 virðast vera að skila því að feður upplifi aukin til tilfinningatengsl við barn sitt,“ segir Auður Arna Arnardóttir, lektor við Háskólann í Reykjavík, en hún heldur í dag fyrirlestur á vegum Rannsóknarstofu í kvenna- og kynjafræðum þar sem hún segir frá rannsókn um reynslu feðra og maka þeirra af fæðingarorlofi.

Tilgangur að auka tengsl

„Einn aðaltilgangur fæðingarorlofslaganna var að tryggja að börn nytu samvista við báða foreldra. Þess vegna finnst okkur spennandi að skoða tengsl feðra við börnin,“ segir Auður Arna.

Niðurstöður rannsóknarinnar leiða í ljós að um 72% feðra segja að taka fæðingarorlofs hafa hjálpað þeim að átta sig á því hverjar þarfir ungbarna eru. Þá segja 85% þeirra að það hafa aukið ánægju þeirra af því að annast barnið, auk þess sem 83% karlmanna eru sammála þeirri staðhæfingu að taka fæðingarorlofs hafi aukið tilfinningaleg tengsl við barnið.