Þrumuveður gengur yfir landið

Þrumuveður gengur nú yfir Landeyjar og Eyjafjöll á landinu sunnanverðu með miklum hávaða og leiftrum. Að sögn Einars Sveinbjörnssonar veðurfræðings sem staddur er á Suðurlandi er það mikill kuldi í háloftunum sem veldur þessum tilþrifum í veðrinu.

„Kuldinn veldur því að loftið verður óstöðugt," sagði Einar í samtali við Fréttavef Morgunblaðsins.

„Síðdegisskúrirnar hérna hafa komið fyrir hádegi, bólstrarnir æða upp um leið og sólin fer að hita og það er vegna þessa háloftakulda. Þetta er meira eins og evrópskt loftslag heldur en íslenskt," sagði Einar og bætti því við að það væri ekki vegna þess að yfirborðið væri hlýtt heldur sökum kulda í háloftum.

• 5 blogg um fréttina

Bloggað um fréttina

• Snorri Bergz: Þrumurnar
• Guðríður Haraldsdóttir: Beðið eftir þrumuveðri ... og dularfullur jarðskjálfti upp á 5,7
• Sigríður Inga Sigurjónsdóttir: Alltaf sama blíðan á Ísafirði
• Hólmdís Hjartardóttir: Reykjavík kl 13 hiti 12. 4 gráður
• Stefán Friðrik Stefánsson: Þrumandi veðurstuð