Áætlað aflaverðmæti frystitogara

Á vefnum Aflafréttir er að finna samantekt yfir aflaverðmæti frystitogara í maí. Tölurnar byggir höfundurinn á meðalverði ársins 2007.

Í samantektinni kemur fram að togarar sem voru til að mynda á grálúðuveiðum eins og Hrafn Sveinbjarnarsson GK sem sé neðstur á listanum ættu sennilega að vera með talsvert meira aflaverðmæti. Hann hafi verið með 150 tonn af grálúðu og ef miða ætti við Guðmund í Nesi RE sem er að mestu á grálúðuveiðum þá ætti aflaverðmæti þessara 150 tonna að vera í kringum 30 milljónir. Hann kemur því ekki fram á þessum lista yfir tíu aflahæstu togarana.

Höfundur samantektarinnar leggur á það áherslu að erfitt sé að meta aflaverðmæti skipanna en að niðurstöður sínar ættu eigi að síður að geta gefið einhverja hugmynd um raunverulegt aflaverðmæti.

Áætlað aflaverðmæti frystitogara í maí:

Sæti      Nafn                        aflaverðmæti      Landanir

1          Víðir Ea                        170.2              2

2          Helga María AK            169.5              2

3          Þerney RE                    162.4              2

4          Guðmundur Í nesi RE   160                 2

5          Gnúpur GK                  133.8               2

6          Mánaberg ÓF              132.4               2

7          Málmey SK                  126.4               2

8          Venus HF                     109.7              1

9          Sigurbjörg ÓF              108.5              2

10         Arnar HU                    107.7               1

Fleiri upplýsingar má finna á vefnum Aflafréttir.

• 2 blogg um fréttina

Bloggað um fréttina

• Reynir Andri: Ég sniðgeng kvótalögin
• Gísli Reynisson: beinn linkur á síðuna