Sextán teknir fyrir of hraðan akstur

Lögreglan á Selfossi var við hraðamælingar á Suðurlandsvegi, við Svínahraun, í um klukkustund í dag. Á þeim tíma stöðvaði hún sextán ökumenn fyrir of hraðan akstur. Sá er ók greiðast, var á 130 km hraða.

Það var þó ekki aðeins á Suðurlandi þar sem menn óku of hratt. Þannig óku níu ökumenn of hratt í umdæmi lögreglunnar á Akureyri, fjórir voru teknir í umdæmi lögreglunnar á Hvolsvelli og þrír á Suðurnesjum. Á Sauðarkróki var útlenskt par tekið fyrir of hraðan akstur og þurftu þau að greiða á staðnum tæpar fjörtíu þúsund krónur í sekt, með staðgreiðsluafslætti.

Lögreglan á Akureyri fylgdist einnig sérstaklega með notkun bílbelta. Níu ökumenn þurfa að reiða fram fimm þúsund krónur, þar sem þeim láðist að spenna beltin.

• 2 blogg um fréttina

Bloggað um fréttina

• Jakob Falur Kristinsson: Hraðakstur
• Halldór Egill Guðnason: Lausn á fjársveltinu fundin!