Skemmdarverk á Þristinum
Setja bókamerki
Einhverjir brutu sér leið inn á öryggissvæði Reykjavíkurflugvallar í nótt og krotuðu á hina tæplega 65 ára gömlu Douglas DC-3 vél Landgræðslunnar. Heitir vélin Páll Sveinsson, en hún er í daglegu máli kölluð Þristurinn.
Skemmdarvargarnir úðuðu á vinstri hlið vélarinnar, en sú hlið sést ekki frá flugturninum. Óvíst er hversu margir voru að verki eða hversu lengi þeir dvöldu á svæðinu. Félögum í Þristavinafélaginu, sem rekstrarfélag vélarinnar, tókst að hreinsa málninguna af vélinni í dag.
Hjördís Guðmundsdóttir, upplýsingafulltrúi Flugstoða, segir umferð óviðkomandi aðila um öryggissvæði flugvallarins litna mjög alvarlegum augum, enda um brot á loftferðalögum að ræða. Hún segir Flugstoðir munu kanna hvernig skemmdarvargarnir komust inn á svæðið. Slökkvilið höfuðborgarsvæðisins sér um vöktun vallarins.
Quang Le: „Ég gerði ekkert rangt“
Sýklalyfjaónæmi vaxandi vandamál
Enn langt í að rannsókn málsins ljúki
„Hann skók húsið aðeins“
„Verða bara eins og „zombíar““
Tengsl við undirheima ekki hluti af rannsókninni
Vaxtahækkanir flýti fyrir því að þenslan minnki