Haldið sofandi í öndunarvél eftir bílslys

Maðurinn sem slasaðist alvarlega í bílslysinu á Þorlákshafnarvegi í gær liggur á gjörgæsludeild Landspítalans og er haldið sofandi í öndunarvél. Að sögn vakthafandi svæfingarlæknis er líðan hans óbreytt frá í gær.

Lögreglan á Selfossi rannsakar slysið sem varð með þeim hætti að tveir bílar úr gagnstæðri átt rákust saman. Maðurinn hlaut alvarlega höfuðáverka en ökumaður hins bílsins slapp við alvarleg meiðsl.

• 1 blogg um fréttina

Bloggað um fréttina

• Pálmi Freyr Óskarsson: Ég vil.................