Segir fréttir DV af sérsveit uppspuna

Ríkislögreglustjóri ítrekar í tilkynningu til fjölmiðla að umfjöllun DV um sérsveit embættisins sé uppspuni. Ríkislögreglustjóri segir umfjöllun dv.is staðfesta það enn frekar. Tilkynning Ríkislögreglustjóra er eftirfarandi:

Árétting
Á DV.is í dag eru birtar myndir af aðgerðabifreið sérsveitar ríkislögreglustjóra, en eins og kunnugt er hefur sérsveitin á að skipa 2 slíkum bifreiðum. Eldri bifreiðin er nýskráð 30. nóvember 2005 og breytt 30. mars 2006 og yngri bifreiðin er nýskráð 13. febrúar 2007 og breytt 4. febrúar 2008.

Þessar bifreiðar hafa verið í notkun sérsveitar um allnokkurt skeið og voru endurnýjun á eldri bifreiðum sérsveitar. Þær eru ekki óeirðabifreiðar eða fjarskiptastrætisvagn.

Lögreglan á ekki valdbeitingarhunda né notast hún við rafbyssur í störfum sínum.

Ríkislögreglustjóri hefur bent á að umfjöllun DV sé uppspuni og staðfestir umfjöllun DV.is það enn frekar.
 

• 2 blogg um fréttina

Bloggað um fréttina

• Guðmundur Ásgeirsson: Segir tilkynningu RLS uppspuna
• Jack Daniel's: Trúi nú frekar DV heldur en síljúgandi stjórnmálamönnum og spilltum …