Innlent | mbl | 12.11.2008 | 11:51 | Uppfært 14:54

Hundruð fyrirtækja sektuð

Hundruð fyrirtækja verða sektuð þar sem þau hafa ekki skilað ársreikningi. Golli

Eftir Gunnhildi Örnu Gunnarsdóttur

Hundruð fyrirtækja eiga nú von á sekt frá ríkisskattstjóra fyrir að skila ekki ársreikningi fram til ársins 2006. Þetta er í fyrsta sinn sem fyrirtæki eru sektuð hér á landi fyrir að skila þeim ekki. Sektin fyrir fyrsta brot nemur 250 þúsund krónum fyrir hvert ár í óskilum. Séu brotin ítrekuð frá því sem nú er getur sektin hækkað í 500 þúsund krónur. Einnig er nú í fyrsta sinn sektað skili fyrirtæki inn ófullkomnum ársreikningi. Þá nemur sektin 150 þúsund krónum.

„Reglugerðin gefur mánaðafrest eftir að bréfið berst fyrirtækjum,“ segir Guðmundur B. Guðbjarnason, forstöðumaður ársreikningaskrár ríkisskattstjóra. Fjölmörg fyrirtæki hafi haft samband til að komast hjá sekt en fresturinn vegna bréfanna nú sé liðinn.

„Hingað hafa forstöðumenn fyrirtækja hringt og sagst ætla að bæta úr. Hafi þau sýnt fram að að málin séu í góðum farvegi, til dæmis hjá endurskoðanda, höfum við veitt aukafrest en svo þrýtur þolinmæðin.“

Eignarhaldsfélagið Fons, sem Pálmi Haraldsson á, hefur ekki skilað inn ársreikningi fyrir árið 2007. Fons átti meðal annars flugfélagið Sterling. Hann skilaði þremur ársreikningum til ríkisskattstjóra, 2004, 2005 og 2006 í byrjun júní, endurskoðuðum af Deloitte, eftir umfjöllun 24 stunda. Guðmundur vildi ekki staðfesta að sekta ætti Fons. „Ætli það séu ekki aðrir í verri málum.“

Fram kom í 24 stundum í byrjun júní að fá fyrirtæki að stærðargráðu Fons skili ekki inn ársreikningi. Eitt þeirra er þó B.M. Vallá. Fyrirtækið hefur ekki skilað inn ársreikningi frá árinu 1995 eða eins langt og opinber ársreikningaskrá nær aftur til.

„Það er litið alvarlegum augum þegar stærri félög skila ekki ársreikningi. Mál þeirra eru því þyngri í vöfum en smærri fyrirtækja og verða því að fara fyrir dómstóla. 500 þúsund krónur er ekki nægileg upphæð sé ásetningur fyrir því að skila ekki ársreikningi,“ segir Guðmundur. Það sé því unnið sérstaklega að stærri málum og einstakt að stór félög sinni ekki skyldu sinni.

Fyrirtækjum er gert að skila ársreikningum átta mánuðum eftir lok reikningsárs. Því er miðað við ágúst. Guðmundur segir að farið sé að reka á eftir skilum hafi fyrirtæki dregið þau þar til eftir að skattskráin er komin út, sem er í október.

Innlent »

Ýmsar verur klífa nú Hallgrímskirkju í magnaðri ljósasýningu.

Böðuð ljósi og litum

20:52 Hallgrímskirkja verður böðuð mögnuðum ljósum og litum á sífelldri hreyfingu til miðnættis en gjörningurinn er hluti af dagskrá Vetrarhátíðar sem lýkur í kvöld. Höfundur ljósasýningarinnar er Marcos Zotes. Meira

Forsetahjónin Ólafur Ragnar Grímsson og Dorrit Moussaieff.

Meirihluti vill Ólaf Ragnar áfram

20:10 54% Íslendinga vilja að Ólafur Ragnar Grímsson gefi aftur kost á sér sem forseti landsins. Þetta sýnir ný könnun sem sagt var frá í fréttum Stöðvar tvö í kvöld. Meira

Hundrað þúsund meira í bensínskatt

19:04 Venjuleg fjölskylda greiðir ríkinu hundrað þúsund krónum meira á ári í bensínskatta nú en fyrir fjórum árum. Sá hluti kaupverðsins sem olíufélögin fá til sín hefur hækkað um 87% á sama tíma. Þetta kom fram í fréttum RÚV í kvöld. Meira

„Þjóðin valdi okkur“

Blár Ópal í Hörpu í gær. Hljómsveitina skipa þeir Franz Ploder Ottósson, Pétur Finnbogason, Agnar ...

18:31 „Þjóðin valdi okkur, það er mjög gaman að vita af öllum þessum stuðningi almennings,“ sagði Franz Ploder Ottósson, einn fjórmenninganna í Bláum ópal, eftir að fréttir bárust um að lagið þeirra, Stattu upp, hefði fengið flest atkvæði í símakosningunni í Söngvakeppni Sjónvarpsins í gær. Meira

Gæslan bíður eftir skýrslu

17:56 Sérfræðingar á vegum Rolls Royce reyna nú að finna orsök bilunar í nýju varðskipi Landhelgisgæslu Íslands sem kom til hafnar í Bergen í Noregi sl. miðvikudagskvöld. Meira

„Okkar dyr hafa alltaf staðið opnar“

Þór Saari og Margrét Tryggvadóttir, þingmenn Hreyfingarinnar, eru meðal þeirra sem stofna Breiðfylkinguna.

18:57 „Mér finnst að það ætti að íhuga mjög vandlega. Okkar dyr hafa alltaf staðið opnar,“ segir Margrét Tryggvadóttir, þingmaður Hreyfingarinnar, eftir fyrri stofnfund nýju hreyfingarinnar sem gengur undir vinnuheitinu Breiðfylkingin. Hún var spurð að því hvort ekki kæmi til greina að nýju stjórnmálaöflin sem fram hafa komið að undanförnu gætu boðið fram saman. Meira

Blár ópal fékk flest atkvæði

Kristmundur Axel Kristmundsson, syngur með Bláum ópal í Hörpu í gærkvöldi.

18:16 Lagið Stattu upp í flutningi strákasveitarinnar Blás ópals fékk flest atkvæði í símakosningu Söngvakeppni Sjónvarpsins í gærkvöldi. Lagið fékk 700 fleiri atkvæði en lagið sem vann, Mundu eftir mér. Meira

Vilja nýtt kúakyn til Íslands

Arnar Bjarni Eiríksson, sem rekur eitt stærsta kúabú landsins í Gunnbjarnarholti í Skeiða- og Gnúpverjahreppi.

17:49 Bændurnir í Gunnbjarnarholti og á Skáldabúðum vilja flytja inn nýtt kúakyn til landsins sem allra fyrst. Arnar Bjarni Eiríksson, sem rekur bæði búin ásamt konu sinni Berglindi Bjarnadóttur, segir nýtt kúakyn vera forsendu þess að kúabændur geti þróað mjólkurframleiðslu sína. Meira

Ók á ljósastaur

17:29 Umferðaróhapp varð á Laugarnesvegi um kl. 14 í dag. Lögreglan fór á staðinn en ökumaður bifreiðarinnar hafði ekið á ljósastaur. Enginn slasaðist en bíllinn er skemmdur og óökuhæfur. Var hann fjarlægður af slysstað með kranabifreið. Meira

Hjartað í tónlist en höfuðið í lækningum

Magni Ásgeirsson söng lag Sveins Rúnar, Hugarró, af mikilli innlifun.

16:12 Síðustu vikurnar hefur lagahöfundurinn Sveinn Rúnar Sigurðsson, sem átti tvö lög í úrslitakeppni Söngvakeppni sjónvarpsins í gærkvöldi, starfað við lækningar á Heilsugæslunni í Árbæ á daginn og sinnt undirbúningi Evróvisjón á kvöldin. Meira

Hundur fastur í neti

17:13 Lögreglan fékk í morgun tilkynningu um hund sem var fastur í netadræsum við Ægisgarð. Lögregla og tækjabíll frá slökkviliði fór á vettvang. Búið var að bjarga hundinum úr netunum og var hann frekar þjakaður en glaður björguninni. Meira

Mikið annríki á Læknavaktinni

15:33 Mikið annríki hefur ríkt á Læknavaktinni um helgina, og nánast stöðugur straumur fólks. Sökum þessa hefur biðtími lengst og kalla þurfti út lækna bæði í gær og í dag. Upplýsingar um hvað helst er að hrjá landann liggja þó ekki fyrir. Meira

Nálgast 30.000 undirskriftir

Skorað er á forsetann að gefa áfram kost á sér til embættis.

15:19 Undirskriftum fjölgar enn á vefsíðunni Áskorun til forseta þar sem skorað er á Ólaf Ragnar Grímsson, forseta Íslands, að gefa áfram kost á sér til embættis í komandi forsetakosningum. Meira

Bæta við strætóferðum á Suðurlandi

Mjóddin er upphafs- og endastaður Suðurlandsstrætósins.

15:10 Frá og með deginum í dag verða gerðar nokkrar breytingar á akstri Strætó bs. á Suðurlandi. M.a. verður bætt við hádegisferð frá Reykjavík á Selfoss og til baka til Reykjavíkur, tekinn upp akstur í Reykholt og bætt við ferð frá Vík til Hafnar á þriðjudögum. Meira

Nefbrotinn eftir árás

Maðurinn var fluttur á slysadeild með sjúkrabíl.

15:04 Karlmaður var fluttur með sjúkrabifreið á slysadeild Landspítala snemma í morgun eftir líkamsárás í miðborg Reykjavíkur. Samkvæmt upplýsingum frá lögreglu sagðist maðurinn hafa orðið fyrir árás tveggja manna sem hann kunni ekki deili á, ekki hefur tekist að hafa uppi á þeim. Maðurinn er talinn nefbrotinn. Meira

Kjörin formaður Sambands ungra framsóknarmanna

15:18 Ásta Hlín Magnúsdóttir var í dag kjörin nýr formaður Sambands ungra framsóknarmanna. Ásta Hlín fékk 32 atkvæði eða 53%. Mótframbjóðandi hennar, Ragnar Stefán Rögnvaldsson, fékk 28 atkvæði eða 47%. Meira

Gæði röntgenmynda margfaldast

Lesið úr röntgenmyndum á Landspítalanum í Fossvogi. Mynd úr safni.

15:06 Tekinn hefur verið í notkun stafrænn búnaður til framköllunar á röntgenmyndum á Heilbrigðisstofnun Vesturlands á Hvammstanga. Þessi nýju tæki koma í stað gamalla tækja sem voru úr sér gengin og nær ónýt. Meira

17 kýr mjólkuðu yfir 10 þúsund kíló

14:50 Þær voru duglegri að mjólka í fyrra, kýrnar í Eyjafirði og Suður-Þingeyjarsýslu, en árið á undan. Í fyrra mjólkuðu sautján kýr yfir 10 þúsund kíló en árið 2010 voru þær aðeins fimm. Meira